طريقة عمل تورته شكل فراشة وتورته شكل ارنب

• المقادير:نصف كيلو دقيق اسبونش ابيض لصنيه مقاسها 26 ( ودقيق الاسبونش ده من عند محل مستلزمات الحلويات وهو دقيق مخصوص للتورته والجاتوهات وهو عليه كل حاجه يعنى عليه السكر والبكينج بودر والدقيق ده الكيلو ب 12 جنيه بس بتطلع زى بتاعت بره بالظبط )7 بيضاتباكو فانيليامعلقة كبير ممسوحه محسن كيك جل ( وده برده من عند مستلزمات الحلويات والمعلقه الممسوحه دى بيدهالك بنصف جنيه )نصف كوب ماء دافىءكيلو الاربع دقيق اسبونش بنى لكيكتين فى صنيه مقاس 22( ده الدقيق اللى احنا قولنا عليه وفيه منه ابيض وفيه منه بنى جاهز )10 بيضات ( 5 بيضات لكل واحده )2 كيس فانليا ( وحد لكل كيكه )معلقة محسن كيك جل ممسوحه لكل كيكهثلث كوب ماء دافء لكل كيكه
• الطبخ:تورتة الفراشة
  نضع البيض والمحسن والفانيليا فى وعاء ونضربهم بالمضرب تقريبا 10دقايق وبعدين نبتدى نضيف الدقيق والماء بالتبادل يعنى نضيف حبة دقيق ونضربهم بالمضرب وبعدين حبة ماء ونضرب وبعدين حبة دقيق وهكذا حتى ينتهى الدقيق والماء وبعدين نكون مجهزين صنيه ومبطنه بالدقيق والسمنه ونكون مسخنين الفرن كل واحده حسب فرنها ونحط الكيكه فى الصنيه ومنفتحش عليها الابعد نصف ساعة ونختبر سواها والدقيق ده بياخد عادة سواه من 35 دقيقة-40 دقيقه
  وده صورة الكيكه لما استوت
  وبعدين نقسم الكيكه من المنتصف
  ونقطع كل نصف 3قطع علشان نحشيهم كريم شانتيه
  وناخذ قطعه من كل نصف ونحطهم عكس بعض
  ونزينهم بالكريم شانتيه
  وبعدين نضع القطعه الثانيه فى كل نصف ونحط عليها كريم شانتيه وبعدين اخر قطعة الثالثه فى كل نصف ونبتدى الذواق من فوق كل واحده حسب ذوقها انا استخدمت شيكولاته بيضاء وشوكلاته بنى وكريم شانتيه والشيكولاته البيضاء والبنى انا بسيح الاول حته سمنه او زبدة واحط الشيكولاته فيها وبعدين احطلها لبن واسيبها تغلى لغاية متتقل زى المهلبيه وبعدين تبرد واحطها فى الثلاجة شويه بتبقى جامده شويه بس بتتفرد زى الكريم شانتيه ودى الصور النهايه بعد ماخلصت
  تورتة الارنب
  نفس طريقة التورته الفراشه بس احنا بنعمل كيكتين نفس المقاس
  واحده بنسبها زى ماهيه والثانيه بنقطعها الاذن والفيونكه
  وبعدين نقطع التورته الكامله على 3 علشان نحشيها بالكريم شانتيه انا الكريم شانتيه فى التورته دى عاملها بنى علشان التورته بنى
  وبرده نقطع الاذن والفيونكه على 3
  وبعدين نركب ارنب ونحشيى الاذن والفيونكه برده بالكريمه ونذوقها كلها من فوق بالكريمه
  وانا كان عندى بواقى كيكه كملت بيها القاعدة وحطيت عليها شيكولاته بنى وعملت الارنب بالشيكولاته البيضاء بقى يعنى الارنب بارز وحواليه برده كيكه اقل فى الحجم
  وبعد كده عملتلوا عنيين وبق وذوفته واستخدمت شكوبن بتاع الاطفال للتذويق اصلى انا كنت موديها هدية عيد ميلاد فقلت حاجه تفرح العيال وده بعد مخلصته